AULA CEMIT FISTERRA
04-01-2012
A Xunta de Galicia puxo en marcha a Rede de Centros para a Modernización e a Inclusión Tecnolóxica de Galicia, Rede CeMIT, que se configura como un importante vehículo para a posta en práctica de iniciativas orientadas a impulsar as TIC e a sociedade da información en Galicia e tamén das políticas de goberno en áreas como o emprego, competitividade empresarial, e-inclusión, benestar e a e-Administración. Deste xeito, CeMIT coordina as actuacións das distintas aulas públicas de acceso a internet dependentes da Comunidade Autónoma de Galicia dirixidas a conseguir a alfabetización dixital da sociedade galega e o desenvolvemento da sociedade da información.Na Aula de Fisterra impartíronse 264 horas de formación en alfabetización dixital, un total de 20 obradoiros aos cales asistiron 145 persoas. Tamén houbo sitio para a teleformación, mediante a cal se ofreceron 3 cursos impartidos por videoconferencia (Creación de videoxogos, Creación de webs para dispositivos móbiles e Streaming de audio e vídeo)
Ademais da formación, as aulas CeMIT ofrecen o servizo de Aula Aberta, isto é, a posibilidade á cidadanía en xeral de acceder de maneira libre e gratuíta ás instalacións CeMITe utilizar o equipamento que nelas se atopa despregado. Neste senso, hai un total de 305 persoas rexistradas e máis de 1500 usos ao longo desta tempada.
Mención especial merecen actividades como as dúas videoconferencias con Papá Noel, que acolleron a uns 70 cativos dos colexios Mar de Fóra, Areouta e Nosa Señora do Carme.
