CONTRATACIÓN PERSOAL LIMPEZA DE PRAIAS
08-06-2016
Segundo a Resolución da Alcaldía do 8 de xuño de 2016, vaise proceder a contratación de 12 traballadores/as para a limpeza de praias e a súa contorna por un período de 3 meses
Prazo presentación de solicitudes: Oito (8) días hábiles contados a partires do seguinte o da publicación das Bases no Taboleiro de Anuncios do Concello que foi o 8 de xuño de 2016.
Requisitos dos aspirantes:
- Ter cumpridos os dezaseis anos e non exceder, no seu caso, da idade máxima de xubilación forzosa.
- Non padecer enfermidade ou defecto físico que impida o desenvolvemento das funcións propias do posto.
- Non ter sido separado mediante expediente disciplinario do servizo de calquera das Administracións Públicas ou dos órganos constitucionais ou estatutarios das Comunidades Autónomas.
- Non estar incurso en causas de incompatibilidade de conformidade co establecido na Lei 53/84 de 26 de decembro do persoal ó servizo das Administracións Públicas.
- Estar inscrito como desempregado no Servizo Público de Emprego de Galicia como demandante non ocupado e estar dispoñible para o emprego.
Documentación a presentar:
- Instancia para participar na presente selección segundo o modelo de solicitude que se pode descargar nesta páxina.
- Copia cotexada do documento nacional de identidade.
- Relación de méritos alegados: orixinal ou copia cotexada da documentación acreditativa dos méritos que se pretenden alegar
A selección realizarase en dúas fases:
- Valoración de méritos
- Proba práctica tipo test.
