Español 
English 
Sunset Fisterra / Sunrise Nachikatsuura (Xapón)
Introducción
Fisterra e Nachikatsuura selan o seu irmandamento cunha retransmisión inesquecible
As localidades de Fisterra e Nachikatsuura, hermanadas desde novembro de 2023, consolidaron definitivamente a súa unión cun evento único: a retransmisión simultánea da posta de sol no Finis Terrae occidental e o amencer no extremo oriental de Eurasia. Este fenómeno extraordinario, que só ocorre dúas veces ao ano, simbolizou a conexión especial entre ambas as comunidades.
O acto celebrou a riqueza cultural de dous países onde o sol ocupa un lugar destacado nas súas tradicións milenarias, e uniu dous roteiros de peregrinación declaradas Patrimonio da Humanidade: o Camiño de Santiago en Galicia e o Kumano Kodo en Xapón.
Galegos, xaponeses e espectadores de todo o mundo gozaron desta experiencia en directo a través de numerosas canles e plataformas, logrando unha notable repercusión internacional.
A retransmisión, de 45 minutos, foi dirixida maxistralmente por Jorge Mira, físico e catedrático da Universidade de Santiago de Compostela, e incluíu a participación de destacadas autoridades como Miguel Gómez, ministro conselleiro da Embaixada de España en Xapón; Valentín González Formoso, presidente da Deputación da Coruña; e Áurea Domínguez, alcaldesa de Fisterra. O evento contou ademais coa presenza de numerosas personalidades, entre elas Xosé Merelles, director de Turismo de Galicia; Xosé Regueira, vicepresidente da Deputación da Coruña e responsable da área de Turismo, impulsora da iniciativa; e representantes dos concellos da Costa da Morte e da Asociación Profesional de Turismo Costa da Morte (APTCM).
Revive este momento máxico e celebra o encontro entre dúas culturas unidas pola luz do sol e o espírito de peregrinación.
https://solpor.eu/fisterra-nachikatsuura/
A repercusión mediática foi de índole internacional mediante unha acción que permite poñer en valor e visibilizar de maneira simultánea o patrimonio natural, cultural e paisaxístico de dous destinos. Unha acción que achega culturas e irmá pobos a través da observación do astro rei, un ente de culto para os nosos antepasados e que perdura desde a noite dos tempos.
Cabe destacar o extraordinario impacto mediático que tivo esta innovadora iniciativa. Os principais medios de comunicación nacionais (Telecinco, RTVE, Cadea Ser, Cope, Onda Cero, ABC, entre outros) e Xapón fixéronse eco da noticia, ocupando portadas de xornais e franxas televisivas de máxima audiencia, o que supón un impacto internacional sen parangón.
Datos La Voz de Galicia: 7.369 vistas do directo + 4.658 do vídeo a posteriori, 357h de reproducións, 12mil impresiones.
En Facebook: 7.658 vistas do directo, alcance 13.000, 5.000 minutos reproducidos.
